LH6koen AHOTSENEA IRUDITAN

 Kaixo, abenduaren 15ean, LH6koek beraien 2. ahotsenea saioa burutu zuten. 

Jarraian, saio horretako irudi eta bideoak ikusteko aukera izango duzue. Gozatu!!!

Saio honetako aurkezleak Zura, Lur eta Matixa izan ziren eta primeran moldatu ziren!

Lehenengo artistak Elene Mena eta Maddi izan ziren eta beraiek "Limbo" izeneko abestiareki Just dance egin zuten. Beti bezala, aurrez letraren itzulpena egin eta letrak zer esaten zuen aztertu genuen denon artean.

Ondoren, beste artista baten txanda izan zen. Iratik, pianoz "El artista" izeneko abestia jo zuen. Ederto gainera!

Iratiren ostean, neska talde batek "Mi gente" abestiarekin Just dance egin zuten: Amina, Ellen eta Irati izan ziren dantzariak. Abestiaren letra ere, aurrez aztertu genuen.

Eta amaitzeko, Zura, Lur, Matixa eta Eneidak "Don´t go yet" abestia dantzatu zuten. 

MILA ESKER GUZTIOI!!!

LH5ekoen AHOTSENEAN IRUDITAN

 Kaixo!

Pasa den asteazkenean LH5ekoen txanda izan zen Ahotsenean... Elaia eta Isabella bakarrik etorri ziren baina ederto pasatu genuen hirurok elkarrekin!!!

Hasteko, pianoa jotzen ikasten aritu ginen

Eta amaitzeko, Tik Tok-eko "Love nwantiti" beraien gustuko abestia dantzatu zuten. Gaurkoan ere, entzuten eta dantzatzen ditugun abestien letren inguruan hausnartu behar dugula gogoratu behar... Kontuz abestiak esaten dituen gauzekin!!! Aurrez aztertu behar dira hitzok...

Hurrengoan, gehiago!

LH3 eta LH4koen AHOTSENEA IRUDITAN!!

Kaixo!

Pasa den asteazkenean, azaroak 17an, LH3koek, LH4koek eta tximeleta gelako Belitek eta Imamak parte hartu zuten ahotsenean. Ederto ibili ginen!!! Hementxe argazki eta bideoak!!!

LH3 eta LH4ko ikasleentzat lehenengoa aldia zen Ahotsenean parte hartzen zutena eta oraingo honetan ez zen aurkezlerik egon.

Lehenengoak dantza egiten Sara eta Martina izan ziren. Hauek Just dance dantzatu zuten, "Timber" abestia. Gogoratu genuen, abestien letrak aztertu behar ditugula askotan hizkuntza sexista izaten baitute, abesti honen kasuan adibidez.

 

 

Ondoren, Iliek, Anerrek eta Dilanek "The evolution of dance" dantzatu zuten.

Olatz, Aitana eta Paulak "Aitana & Zoiloren 

Mon amour abestia abestu eta dantzatu zuten.

 

 

Eta bukatzeko Arianne, Ayane, Belit, Elene eta Goretik "Minions-en Papaya" dantzatu zuten. 

Bukaerarako, ahotseneako partaide guztiak dantzan zeuden!!!!

Amaieran danok dantzan!

Urtarrilean, berriro elkartuko gara!!!!

LH6koen AHOTSEA IRUDITAN!!!

Kaixo musikariok!!

Jarraian, aurreko asteazkenean, LH6koek egindako Ahotseneako argazki eta bideoak ikusi ahal izango dituzue.

Aurkezle lanetan, Zura eta Lur.

Elene eta Maddik Just danceko "Timber" izeneko abestia dantzatu zuten. 

Aurrez, komentatzen ibili ginen abestien letrak aztertu behar ditugula, askotan, emakumea objetu sexual bat bezala aurkezten baitute eta hori ez delako onargarria.

            Elene eta Maddi dantzan.

Iratik, "Ikusi Mendizaleak" abestia jo zuen pianoarekin

 Irati pianoa jotzen.

Lur, Zura, Matixa eta Malenek just dance egin zuten, “Waka waka” abestia.

Iker eta Enaitz Aperribaik marrazki bizidun japones batzuen abestia abestu eta dantzatu zuten: “One piece opening 16 Hands up!”

Iratik, Fatimak, Aminak eta Ellenek just danceko “What makes you beautiful” abestia dantzatu zuten.

     Irati, Fatima, Amina eta Ellen dantzan.

MILA ESKER GUZTIOI!!!!!!!

ADI!!!! EGUTEGIAN ALDAKETA!!!!

 KAIXO!

BARKATU, BAINA AHOTSENEAKO EGUTEGIAN ALDAKETA BAT EGIN BEHARRA IZAN DUGU ETA ADI ALDAKETAREKIN:

- AZAROAK 17AN, LH3 ETA LH4 IZANGO DIRA AHOTSENEAKO PARTEHARTZAILEAK. 

- AZAROAK 24AN , LH5.

BARKATU ERAGOZPENAK ETA JARRAITU MUSIKAREKIN GOZATZEN!!!!

AHOTSENEA BERRIRO MARTXAN!!!!

 

Kaixo danoi!!

Hainbat urtetan geldi egon ostean, bai musika bloga baita Ahotsenea ere martxan jarriko ditugu. 😄😄😄😄🎆🎇🎉🎊🎶🎶

Ahotseneak azaroaren 10ean zabalduko ditu aretoko ateak goizeko 11:00tatik 11:30 bitartera eta ekitaldia irekiko dutenak 6.mailako ikasleak izango dira. Ondoren, azaroaren 17an eta ordu berdinean, 5.mailakoek izango dute Ahotsenean parte hartzeko aukera eta azaroaren 24an 3. eta 4.mailakoen txanda izango da.

Hona hemen ikasturte honetako egutegia:

Ahotsenean, zuen musikaren inguruko abileziak aurkeztu ahal izango dituzue: musika tresnekin kontzertutxoak, karaokea erabiliz abestiak abestu, koreografia ezberdinak... Musikarekin harremana duen edozer egiteko aukera izango duzue, beti ere elkar errespetatuz eta eginiko lana eta esfortzua baloratuz.

Laguntza behar izanez gero, musikako Maitane irakaslearekin hitz egin edo emaila idatzi: maitane@luisezeiza.eus-era!!